Idman.biz
Azərbaycanın qadın güləşçisi Günay Qurbanova (59 kq) Serbiyanın Zrenyanin şəhərində təşkil olunan U-23 Avropa çempionatının qalibi adını qazanıb.
İdman.Biz-in məlumatına görə, o, finalda belaruslu Marta Hetmanavanı məğlub edib.
Gültəkin Şirinova (55 kq) isə U-23 Avropa çempionatında gümüş medal qazanıb.
Şirinova finalda macarıstanlı Gerta Terekə 0:11 hesabı ilə məğlub olub.
21:19
Azərbaycan güləşçisi Ruzanna Məmmədova (62 kq çəki dərəcəsində) Serbiyanın Zrenyanin şəhərində keçirilən 23 yaşadək güləşçilər arasında Avropa çempionatının finalına vəsiqə qazanıb.
İdman.Biz-in məlumatına görə, Məmmədova yarımfinalda fransalı İris Matilda Tibunu məğlub edib.
Qeyd etmək lazımdır ki, Azərbaycan güləşçiləri Gültəkin Şirinova və Günay Qurbanova da əvvəllər finala vəsiqə qazanıblar.
16:08
Serbiyanın Zrenyanin şəhərində təşkil olunan güləş üzrə U-23 Avropa çempionatının növbəti görüşləri keçirilib.
İdman.Biz xəbər verir ki, bu barədə Azərbaycan Güləş Federasiyası məlumat yayıb.
Bildirilib ki, 62 kq çəki dərəcəsində ölkəmizi təmsil edən Ruzanna Məmmədova uğurlu çıxışını davam etdirib. O, əvvəlcə Bolqarıstan təmsilçisi Fatmə Tahir Şabana üzərində tam üstünlüklə (11:0) qələbə qazanaraq 1/4 finala yüksəlib. R.Məmmədova daha sonra yarımfinala gedən yolda Türkiyə güləşçisi Gülsüm Bingöl ilə qarşılaşıb və rəqibini yenə də tam üstünlüklə (11:0) məğlub edərək yarımfinala vəsiqə qazanıb.
Bundan əlavə ölkəmizi təmsil edən 53 kq çəki dərəcəsində çıxış edən Nərgiz Səmədova isə Litva idmançısı Vestina Daniseviçyutey üzərində 3:0 hesablı qələbə qazanaraq yarımfinala yüksəlib.
72 kq-da mübarizə aparan Zəhra Kərimzadə təsnifat mərhələsində Bolqarıstan təmsilçisi Daniyela Petrova Brasnarova ilə qarşılaşıb. Görüş 2:2 hesabı ilə başa çatsa da, son xal prinsipinə əsasən Azərbaycan güləşçisi məğlub olub.
Avropa çempionatına martın 15-də yekun vurulacaq.
09:24
Serbiyanın Zrenyanin şəhərində təşkil olunan güləş üzrə U-23 Avropa çempionatı davam edir.
İdman.Biz xəbər verir ki, yarışın dördüncü günündə Azərbaycanın daha üç qadın güləşçisi mübarizəyə qoşulacaq.
Nərgiz Səmədova (53 kq) 1/4 final mərhələsində Litvanı təmsil edən Vestina Daniseviçyusla qarşılaşacaq. Ruzanna Məmmədova (62 kq) və Zəhra Kərimzadə (72 kq) isə yarışa təsnifat mərhələsindən start verəcəklər.
Bu gün keçiriləcək final görüşlərində Gültəkin Şirinova (55 kq) Macarıstan idmançısı Gerda Tereklə üz-üzə gələcək. Günay Qurbanova (59 kq) isə həlledici qarşılaşmada Belarus təmsilçisi Marta Hetmanava ilə gücünü sınayacaq.
Qeyd edək ki, daha əvvəl sərbəst güləşçilərdən Ali Tsokayev (92 kq) Avropa çempionu olub. Ceyhun Allahverdiyev (61 kq), Vasif Bağırov (57 kq), Səbuhi Əmiraslanov (79 kq), Yusif Dursunov (125 kq) gümüş, Musa Ağayev (65 kq), Ramik Heybətov (70 kq) və Zəfər Əliyev (97 kq) isə bürünc medal qazanıb.
Avropa çempionatına martın 15-də yekun vurulacaq.
