Idman.biz
Serbiyanın Zrenyanin şəhərində güləş üzrə U-23 Avropa çempionatı start götürüb.
İdman.Biz xəbər verir ki, bu barədə Güləş Federasiyası məlumat yayıb.
Bildirilib ki, 57 kq-da Vasif Bağırov fransalı Rasul Qalburayevə "tuş"la qalib gələrək yarımfinala vəsiqə əldə edib.
65 kq çəki dərəcəsində mübarizə aparan Musa Ağayev italiyalı rəqibi Mattia Bientinesiyə tam üstünlüklə (10:0) qalib gələrək 1/4 finala yüksəlib. Lakin o, bu mərhələdə belaruslu Maqomedxan Maqomedxanova 4:7 hesabı ilə məğlub olaraq yarışı dayandırıb.
70 kq-da Ramik Heybətov polşalı Daniel Kulçinskiyə 9:4 hesabı ilə qalib gələrək adını 1/4 finala yazdırıb.
79 kq çəki dərəcəsində Səbuhi Əmiraslanov belaruslu Aleksandr Viarbitski üzərində 11:4 hesablı qələbə qazanaraq növbəti mərhələyə yüksəlib.
97 kq çəki dərəcəsində Zəfər Əliyev ermənistanlı Qurqen Simonyanı 6:2 hesabı ilə məğlub edərək yarımfinala yüksəlib.
Qeyd edək ki, U-23 Avropa çempionatı martın 15-nə qədər davam edəcək.
09:57
Bu gün Serbiyanın Zrenyanin şəhərində güləş üzrə U-23 Avropa çempionatı start götürəcək.
İdman.Biz xəbər verir ki, yarışın açılış günündə Azərbaycan millisinin beş sərbəst güləşçisi xalça üzərinə çıxacaq.
Vasif Bağırov (57 kq), Musa Ağayev (65 kq), Ramik Heybətov (70 kq), Səbuhi Əmiraslanov (79 kq) və Zəfər Əliyev (97 kq) mübarizəyə qoşulacaqlar.
Qeyd edək ki, U-23 Avropa çempionatı martın 15-nə qədər davam edəcək.
