Idman.biz
I-S kateqoriyalı hakim Marius Cimpoeru Güləş üzrə Azərbaycan Çempionatında iştirakından məmnunluğunu ifadə edib və turnirin yüksək səviyyədə təşkil olunduğunu bildirib.
İdman.Biz xəbər verir ki, rumıniyalı mütəxəssis dəvətə görə Azərbaycan Güləş Federasiyasına və Asif Şirəliyevə təşəkkür edib.
"Əziz dostum Asif Şirəliyevə, həmçinin Azərbaycan Güləş Federasiyasına bu dəvətə görə təşəkkürümü bildirirəm. Burada olmaq mənim üçün böyük şərəfdir və eyni zamanda yeni bir təcrübədir. Azərbaycanda ikinci dəfədir oluram. İlk dəfə 2009-cu ildə gəlmişdim. İndi çox böyük dəyişikliklər hiss edirəm və bu yarışın da çox yüksək səviyyədə təşkil olunduğunu görürəm".
Cimpoeru yarışın idman səviyyəsinə də toxunub:
"Mənim üçün çox maraqlı və güclü güləşçilərin iştirak etdiyi möhtəşəm qarşılaşmalar oldu. İndi də bir çox görüşü izləməyi və sərbəst güləşi görməyi gözləyirəm".
