Idman.biz
Macarıstanın paytaxtı Budapeştdə güləş üzrə reytinq turniri davam edir.
İdman.Biz xəbər verir ki, 57 kq çəki dərəcəsində qadın güləşçimiz Jalə Əliyeva 1/8 final mərhələsində koreyalı Yongcin Kvona 8:3 hesabı ilə qalib gələrək 1/4 finala yüksəlib.
Azərbaycanlı güləşçi növbəti mərhələdə polşalı Maqdalena Lişevskaya ilə üz-üzə gəlib və rəqibini "tuş"la məğlub edərək yarımfinala vəsiqə qazanıb.
53 kq çəki dərəcəsində mübarizə aparan Əsmər Cankurtaran 1/8 finalda çinli Cin Canqa 0:8 hesabı ilə uduzaraq turnirlə vidalaşıb.
Eyni çəkidə digər Azərbaycan təmsilçisi Nərgiz Səmədova da mübarizəni dayandırıb. O, 1/8 final görüşündə amerikalı Kristel N. Rodriges Doblerə 0:6 hesabı ilə məğlub olub.
