Idman.biz
Veronika Jilina idman hazırlığına görə təzminat kimi Rusiya Fiqurlu Konkisürmə Federasiyasına bir milyon rubl (təxminən 21 min manat) qaytarıb.
İdman.biz xəbər verir ki, bu barədə qonşu ölkənin RİA Novosti agentliyi məlumat yayıb.
Fiqurlu konkisürmə üzrə yeniyetmələr arasında Rusiya Qran Prisinin finalının qalibi olan 17 yaşlı idmançı gələcəkdə Azərbaycan millisini təmsil etmək arzusundadır. Azərbaycan pasportu alan Jilina idman vətəndaşlığının dəyişdirilməsi ilə bağlı müraciət etsə də, federasiyanın İcraiyyə Komitəsi bunu rədd edib.
Nəticədə Jilina 2023/24 və 2024/25 mövsümləri, habelə Rusiya milli komandasının genişləndirilmiş heyətinin üzvü kimi dövlət tərəfindən maliyyələşdirilən üç təqvim ili üçün xərcləri geri qaytarıb. O, çıxış üçün geyimlərin hazırlanması xərclərini də ödəib.
Mənbə fiqurlu konkisürənin 2023-cü ildən Azərbaycanda qeydiyyatdan keçdiyini və son iki ildə Rusiyadakı turnirlərində iştirak etmədiyini qeyd edib.
İdman.biz
