Idman.biz
Azərbaycanlı batutçu Selcan Mahsudova Dünya kuboku seriyasının ümumi sıralamasında üçüncü yerdə qərarlaşıb.
İdman.biz xəbər verir ki, iki mərhələdən sonra gimnastımızın hesabında 64 xal var.
O, Bakıda keçirilən Dünya kubokunda beşinci yeri tutması və İtaliyanın Riççone şəhərindəki yarışda yarımfinala yüksəlməsi sayəsində bu qədər xal toplayıb.
Mahsudova neytral idmançı Anjela Bladçevanı bir xal və altıqat dünya çempionu, batut gimnastikasının əfsanələrindən biri olan yaponiyalı Hikaru Morini doqquz xal qabaqlayır.
Ümumi sıralamada neytral idmançılar liderlik edirlər - Sofiya Alyayeva 105 xalla birinci, Violeta Bardzilovskaya isə 88 xalla ikincidir.
İdman.biz
