Idman.biz
Azərbaycan gimnastları Zöhrə Cəfərova və Gövhər İbrahimova Bolqarıstanın Burqas şəhərində keçirilən Avropa kubokunda çoxnövçülük yarışında finala yüksəliblər.
İdman.biz xəbər verir ki, Cəfərova halqa, top, gürzlər və lentlə hərəkətlərdə 100,981 xal toplayıb və təsnifat mərhələsində altıncı yeri tutub. İbrahimova da 100,663 xalla ondan sonrakı pillədə qərarlaşaraq, finala çıxmaq vəzifəsinin öhdəsindən gəlib.
Qeyd edək ki, finala çıxan 16 gimnast mübarizəni mayın 18-də "Cross Battle" formatında davam etdirəcək.
***
09:05
Bolqarıstanın Burqas şəhərində bədii gimnastika üzrə Avropa kuboku yarışları davam edir.
İdman.biz xəbər verir ki, yarışın ilk gününün nəticələrinə görə Azərbaycan idmançısı Zöhrə Cəfərova çoxnövçülükdə altıncıdır.
O, halqa və top ilə kompozisiyalar nümayiş etdirərək, ümumilikdə 25,299 xal toplayıb. Gövhər İbrahimova isə 23,500 xalla 11-ci yerdədir.
İndi gimnastlar gürzlər və lentlə çıxış edəcəklər.
Qeyd edək ki, ən yaxşı 16 gimnast çoxnövçülükdə finala - "Cross Battle" yarışına yüksələcək.
İdman.biz
