Idman.biz
Fiqurlu konkisürmə üzrə beşqat Avropa çempionu fransalı Suriya Bonali evində baş verən soyğundan sonra medallarını itirib.
İdman.Biz bildirir ki, hadisə onun ABŞ-ın Las-Veqas şəhərindəki evində baş verib.
"Təəssüf ki, müxtəlif dünya və Avropa çempionatlarında yarışarkən qazandığım bütün medallar itib. Bir neçə gün əvvəl naməlum şəxslər evimi qarət edib qiymətli əşyalarımı oğurlayıblar. Veqas sakinlərinə və lombardlara kiçik bir xatırlatma: xarici qızıl və gümüş medalların satışda olduğunu görsəniz, xahiş edirəm polisə zəng edin"" - Bonali sosial media səhifəsində yazıb.
Qələbələrindən əlavə, Bonali buz üzərində çətin və təhlükəli salto hərəkətləri ilə də tanınır.
