Idman.biz
Azərbaycanlı alpinist Elmira Aslanova İndoneziyada yerləşən Caya dağının zirvəsini (Puncak Jaya / Carstensz Pyramid, 4884 m) fəth edib.
İdman.biz xəbər verir ki, yürüş oktyabrın 21-də səhər saatlarında başlayıb və yeddi saata yaxın davam edib.
Okeaniyanın ən yüksək nöqtəsi sayılan Caya dağı əhəngdaşı qayalardan ibarətdir və texniki baxımdan olduqca çətin relyefə malikdir.
Bu zirvə ən mürəkkəb marşrutlardan biri hesab olunur. Piyada yolu bağlı olduğundan ora yalnız vertolyotla çatmaq mümkündür. Tropik iqlim, daimi yağış və sürüşkən qayalar alpinistlər üçün əlavə sınaq yaradır.
