Idman.biz
Azərbaycanın bədii gimnastika yığması Estoniyanın Tallin şəhərində keçiriləcək Avropa çempionatına hazırlığın son mərhələsinə başlayıb.
İdman.biz xəbər verir ki, komanda qarşıdakı turnirdə tam heyətlə çıxış edəcək.
Böyüklər arasında fərdi yarışda Kamilla Seyidzadə, Gövhər İbrahimova və Zöhrə Cəfərova mübarizə aparacaqlar.
Qrup komandasında isə Ləmən Əlimuradova, Darya Sorokina, Yelizaveta Luzan, Güllü Ağalarzadə, Kamilla Əliyeva və Sofiya Məmmədova yer alıblar.
Həmçinin Tallində gənclərdən ibarət komanda - Nəzrin Abdullayeva, Röya Əlikişiyeva, Ayan Nəsirova, Şəms Müvəffəqi, Nilufər Oruclu və Nəzrin Salmanlı - da çıxış edəcək.
Qeyd edək ki, iyunun 4-8-də keçiriləcək Avropa çempionatına ümumilikdə 39 ölkənin gimnastları qatılacaqlar.
İdman.biz
