Idman.biz
Almaniyanın Leypsiq şəhərində keçirilən idman gimnastikası üzrə Avropa çempionatında Azərbaycan komandasının üzvü Nikita Simonovun halqalar üzrə finaldakı bütün rəqibləri müəyyənləşib.
İdman.biz xəbər verir ki, Eleftherios Petrounias bu növün təsnifatında birinci yeri tutub.
Ötən il də Avropa çempionu olan yunanıstanlı Olimpiya çempionu finalın əsas favoritlərindən hesab olunur.
Həmçinin Adem Asil (Türkiyə), Kortni Tuloç, Harri Hepvard (hər ikisi Böyük Britaniya), Samir Ait Said (Fransa), Artur Avetisyan və Vaxaq Davtyan (hər ikisi Ermənistan) final səkkizliyinə vəsiqə qazanıblar.
Qeyd edək ki, Simonov təsnifatda yeddinci yeri tutub. Final mayın 30-da keçiriləcək.
İdman.biz
