Idman.biz
Beynəlxalq Gimnastika Federasiyası (FIG) gələn il bəzi dünya çempionatlarının keçiriləcəyi yerlərlə bağlı qərar verib.
İdman.biz xəbər verir ki, batut gimnastikası üzrə 2026-cı ilin əsas yarışı noyabrın 5-8-də Çinin Nankin şəhərində keçiriləcək.
Yeniyetmələrin dünya çempionatı və dünya yaş qrupları yarışları da 2026-cı il noyabrın 12-15-də Nankində təşkil ediləcək. Bütün bu yarışlarda batut gimnastları ilə yanaşı tamblinq ustaları da mübarizə aparacaqlar.
2026-cı il akrobatika üzrə dünya çempionatı sentyabrın 24-27-də İtaliyanın Pesaro şəhərində keçiriləcək. Gənclərin dünya çempionatı da elə orada sentyabrın 17-20-də təşkil ediləcək.
İdman.biz
