Idman.biz
Akrobatika üzrə Azərbaycan komandası Bolqarıstanın Burqas şəhərində keçiriləcək Dünya kubokunda çıxış edəcək.
İdman.biz xəbər verir ki, heyətdə Ağasif Rəhimov - Raziyə Seyidli, Milana Əliyeva - Sabir Ağayev qarışıq cütlər, Murad Rəfiyev - Daniel Abbasov kişi dueti, Rəsul Seyidli, Riad Səfərov, Seymur Cəfərov və Abdulla Əl-Məşaihidən ibarət kişilər qrupu, həmçinin Nəzrin Zeyniyeva, Anahita Bəşirli və Zöhrə Rəşidovadan ibarət qadınlar qrupu yer alıb.
Akrobatlar üçün bu, bir qızıl, dörd gümüş və üç bürünc medal qazandıqları Lüksemburqda keçirilən Avropa çempionatından sonra ilk yarış olacaq.
Mayın 30-da start götürəcək Dünya kubokunda iştirak üçün 11 ölkənin komandası müraciət edib.
İdman.biz
