Sport24.az
Çempionlar Liqasına qatılan minifutbol klublarımız bu gün növbəti oyunlarını keçirəcəklər. Sport24.az xəbər verir ki, Sofiyada təşkil olunan tunirin ikinci günündə ilk olaraq "Aznur" meydana çıxacaq.
Komanda qrup mərhələsinin II turunda, Bakı vaxtı ilə saat 14:00-da "Grupo Raxu Oviedo" (İspaniya) ilə üz-üzə gələcək. III turda, saat 22:00-da isə rəqib Qazaxıstan təmsilçisi "Pioneer Group Almaty" olacaq.
"Birbaşa Bakı qrup mərhələsinin III turunda, saat 16:00-da Serbiyanın "Red Start Belgrade", "Zirə" isə saat 17:00-da İsrail təmsilçisi "Red Meat Burger Saloon Afula"nı sınağa çəkəcək.
Qeyd edək ki, "Aznur" ötən gün "Hoverla Zak Praqa" (Çexiya) ilə heç-heçə edib - 1:1. "Birbaşa Bakı" Rumıniya təmsilçisi "Rımniku Vılça" üzərində qələbəyə sevinib (4:1), "Portu" ilə qolsuz bərabərə qalıb. "Zirə" isə Macarıstan "Budapeşt"ini 2:0, Slovakiya təmsilçisi "Jakmart"ı 2:1 hesabı ilə məğlub edib.
