Idman.biz
Futzal üzrə Azərbaycan millisi bu gün yoldaşlıq oyunu keçirib.
İdman.Biz bildirir ki, yeni ildə ilk matçına çıxan komanda Bakı İdman Sarayında Danimarka yığmasını qonaq edib.
5-ci dəqiqədə danimarkalı Rasmus Filipsen hesabı açıb. Fasiləyə komandalar bu hesabla yollanıb.
İkinci hissədə, 27-ci dəqiqədə Nihad İsmayılov hesabı bərabərləşdirib. 32-ci dəqiqədə danimarkalılardan Kasper Rasmussen qonaqları irəli çıxarı. 37-ci dəqiqədə Hans Riken üçüncü qolu Azərbaycan millisinin qapısından keçirib. 40-cı dəqiqədə isə Niklas Fuhs-Kristiansen hesabı yeniləyib – 1:4. Görüş bu hesabla Danimarkanın xeyrinə başa çatıb.
Bu komandalar arasında növbəti oyun yanvarın 24-də, saat 16:00-da, Bakı İdman Sarayında keçiriləcək.
