Report.az
"Araz-Naxçıvan" futzal klubunun baş məşqçisi Yevgeni Kukseviç UEFA Çempionlar Liqasının ilkin mərhələsində püşkatmanın nəticələrini dəyərləndirib.
Rusiyalı mütəxəssis bu barədə "Report"a açıqlama verib.
O, rəqiblərdən bəzilərini tanıdığını bildirib:
"Püşkatmanın nəticələri normaldır. Belə baxanda, hansı qrupa düşməyimizin fərqi yox idi. Rəqiblərdən asılı olmayaraq, seçmə mərhələyə var gücümüzlə hazırlaşacaqdıq. Rəqiblərimizdən bəzilərini tanıyıram. "Araz-Naxçıvan" onlardan biri ilə ötən il qarşılaşıb. Oyunun videotəkrarına baxmışam. Qarşıya qoyulan məqsəd, təbii ki, ilk mərhələni keçməkdir".
Qeyd edək ki, Azərbaycan çempionu F qrupunda "Ljuti" (Avstriya), PYF (Şotlandiya), və "Sparta" (Şimali İrlandiya) ilə üz-üzə gələcək.
Bu qrupun matçları avqustun 26-31-i aralığında Avstriyada gerçəkləşəcək.
