Report.az
Azərbaycan çempionatının son qalibi "Araz-Naxçıvan" heyətinə iki futzalçı cəlb edib.
Bunu "Report"a Naxçıvan təmsilçisinin vitse-prezidenti Mahmud Sadıqov bildirib.
"Komanda istirahətdədir, amma biz işimizi davam etdiririk. Hələ ki, iki yerli futbolçu cəlb etmişik. "Neftçi" İK-dən Mirzə Əmirov, "Baku Fire"dən isə Fərid Abbasov ilə anlaşmışıq. Legionerlərlə bağlı işlər davam edir. İstədiyimiz futzalçıların bəzilərindən ilkin razılıq almışıq. Amma hələ ki, rəsmi müqavilə bağlamamışıq", - deyə klub rəsmisi söyləyib.
Qeyd edək ki, "Araz-Naxçıvan" Yüksək Liqada 2024/2025 mövsümünün qalibi olub.
