Sport24.az
"Şəfa" ilə oyuna ciddi hazırlaşmışdıq. Çempionatda qalmaq uğrunda hər qazanılan xal bizim üçün vacibdir". Bu sözləri Sport24.az-a açıqlamasında Birinci Liqa təmsilçisi "Şimal"ın kapitanı Tural Cəlilov deyib.
Təcrübəli futbolçu komandasının liqanın 18-ci turunda "Şəfa"ya məğlubiyyəti şərh edib:
"Rəqibimizin gücü hamıya bəllidir. Bu mövsüm məğlub olmayıblar. Şanslarımız oldu, dəyərləndirə bilmədik. Ən azı bir xal qazana bilərdik. Futbolçular əzmkarlıq göstərdi. Qismət deyilmiş. Sona qədər mübarizə aparacaq, döyüşəcəyik. I Liqanı tərk etməyi ağlımızdan belə keçirmirik. Biz yerimizi qorumaq niyyətindəyik. Növbəti görüşlərdə qələbələr qazansaq, inanıram ki, ardı gələcək. Komanda olaraq birlik nümayiş etdirəcəyik və çətin durumdan çıxacağıq".
Qeyd edək ki, "Şimal" "Şəfa" matçı qonaqların 0:2 hesablı qələbəsi ilə başa çatıb.
