Sport24.az
Bu gün Azərbaycan klubları üçün avrokubok həyacanı başlayır. Sport24.az xəbər verir ki, ilk olaraq meydana "Sabah" çıxacaq.
"Bayquşlar" UEFA Çempionlar Liqasının I təsnifat mərhələsində Uelsin "TNS" (The New Saints) komandası ilə qarşılaşır.
Oyun Masazırdakı "Bank Respublika Arena"da keçiriləcək. Qarşılaşmanın start fiti saat 20:00-da səslənəcək.
Qeyd edək ki, tərəflər arasında cavab qarşılaşması iyulun 14-də Uelsdə baş tutacaq.
Çempionlar Liqası
I təsnifat mərhələsi, ilk oyun
20:00. "Sabah" - TNS (Uels)
Hakimlər: Patrik Qriskieviç, Marcin Boniek, Bartoz Kasunski, Voyçex Mus (hamısı Polşa).
Masazır. "Bank Respublika Arena".
