Idman.biz
"Çelsi"nin yeni baş məşqçisi Liam Rosenior oyunçularına əllərini necə düzgün yumağı öyrətməyə başlayandan sonra onları həm də Lego konstruktorlarının yığılması yarışında iştiraka məcbur edir.
İdman.Biz "Daily Mail"ə istinadla bildirir ki, klub komanda daxilində virusların yayılmasının qarşısını almaq üçün xüsusi əlyuma iclası keçirib.
Baş məşqçinin konstruktorun yığılması ideyası isə komandanı birləşdirməyə yönəlib. Rosenior bu metodu oyunçuların meydandan kənarda ünsiyyət qurması və yaradıcılıqla məşğul olması üçün rahat bir yol kimi görür.
"Çelsi" Entso Mareskanın gedişindən sonra 6 yanvarda Roseniorun baş məşqçi təyin olunduğunu elan edib. Klub hazırda 21 oyundan 31 xalla İngiltərə Premyer Liqasının turnir cədvəlində səkkizinci yerdədir.
