Sport24.az
"Real" artıq Lionel Skaloniylə əlaqə saxlayıb və onu baş məşqçi postuna təyin etməyi nəzərdən keçirir. Sport24.az xəbər verirr ki, söhbət böyük ehtimalla 2026-cı il Dünya Çempionatından sonra təyinatdan gedir.
Skaloninin Argentina milli komandası ilə müqaviləsi 2026 Dünya Çempionatının sonuna qədər qüvvədədir, buna görə də onun yaxın zamanda kluba keçidi o qədər də real görünmür.
Onun nailiyyətlərini nəzərə alsaq, bu namizədlik həqiqətən çox ciddi görünür:
2022 dünya çempionatının qalibi
2021 və 2024 Amerika Kuboklarının qalibi
2022 Finalissimanın qalibi
Məhz bu xüsusiyyətlər, top səviyyəli oyunçularla işləmək və böyük təzyiq altında nəticə vermək bacarığı Florentino Peresin diqqətini çəkir.
Açığı, "Real" üçün bu, çox maraqlı seçim olardı. Skaloni milli komanda səviyyəsində özünü əla tərəfdən göstərib, amma klub futbolu, xüsusilə də "Real" kimi klubda işləmək tamam başqa tempdir: hər 3 gündən bir oyunlar, transferlər, daimi rotasiya və yüksək nəticə təzyiqi.
