Sport24.az
Rusiya Milli Futbol Liqasının 6-cı turunda keçirilməsi nəzərdə tutulan "Soçi" - "Ulyanovsk" qarşılaşması təxirə salınıb. Sport24.az xəbər verir ki, bu barədə azərbaycanlı futbolçu Ramil Şeydayevin çıxış etdiyi "Soçi" klubu məlumat yayıb.
Qarşılaşmanın təxirə salınmasına pilotsuz uçuş aparatları ilə bağlı təhlükə xəbərdarlığının elan edilməsi səbəb olub.
Bildirilib ki, matça bileti olan azarkeşlərin stadiona girişinə əvvəlcədən müəyyənləşdirilmiş vaxtda icazə veriləcək. Onlardan stadiona daxil olduqdan sonra tribunaların altındakı təhlükəsiz ərazilərə keçmələri, stüardların və təhlükəsizlik əməkdaşlarının göstərişlərinə əməl etmələri, həmçinin sakitliyi qorumaqları xahiş olunub.
Qarşılaşmanın yeni başlama vaxtı ilə bağlı məlumatın daha sonra açıqlanacağı bildirilib.
Qeyd edək ki, Şeydayev bu matçın ehtiyat oyunçular siyahısına daxil edilib.
