"Qalatasaray"ın müdafiəçisi Vilfrid Sinqo karyerasını İtaliya A Seriyasında davam etdirə bilər. Sport24.az xəbər verir ki, "İnter" Fil Dişi Sahili millisinin üzvünü transfer etmək istəyir.
Bu barədə "Milliyet" nəşri məlumat yayıb.
İtaliya çeempionu Sinqo üçün İstanbul klubu ilə danışıqlarla başlamağı planlaşdırır. "Cim bom" futbolçusu üçün 55 milyon avro qiymət qoyub.
Qeyd edək ki, "Qalatasaray" Vilfrid Sinqonu 2025-ci ilin yayından "Monako"dan 30 milyon avroya transfer edib. 25 yaşlı mərkəz müdafiəçisi "sarı-qırmızılar"ın heyətində meydana çıxdığı 29 rəsmi matçda 2 qol və 3 məhsuldar ötürmə ilə yadda qalıb.