Sport24.az
"Nyukasl" "Frayburq" və İsveçrə millisinin hücumçusu Yohan Manzambi ilə müqavilə imzalamaqda maraqlıdır. Sport24.az xəbər verir ki, bu barədə tanınmış insayder Florian Plettenberq sosial şəbəkə hesabında paylaşım edib.
Mənbənin sözlərinə görə, "sağsağanlar" potensial müqavilənin maliyyə şərtləri barədə məlumatlandırılıblar. Klublar hələ rəsmi danışıqlara başlamayıblar.
Qeyd edək ki, "Frayburq" DÇ-2026-da çıxışından sonra oyunçu üçün təxminən 60 milyon avro almaq istəyir. Hücumçu turnirdə dörd oyunda üç qol vurub və iki məhsuldar ötürmə edib.
