Sport24.az
"Mançester Yunayted"in keçmiş oyunçusu Niki Batt komandanın "sükanı arxasında" görmək istədiyi məşqçinin adını açıqlayıb. Sport24.az "Mançester Evening News" qəzetinə istinadən xəbər verir ki, veteran futbolçu Joze Mourinyonun adını çəkib:
"Mourinyonu geri dönməsini istərdim. O, qalibdir və bu klubu uğura apara biləcək gücdədir. Amma klubu idarə edənlər buna heç vaxt icazə verməyəcəklər. Onlar yalnız işinə diqqət yetirən və transfer siyasətinə nəzarət etməyən birini üstün tuturlar.
Heç bir uğurlu mütəxəssis büdcə, vaxt və səlahiyyət barədə qəti zəmanət olmadan "Mançester Yunayted"ə gəlmək istəməz. Hazırkı struktur bunu çox çətinləşdirir və onlar Maykl Kerrik kimi birini üstün tuta bilərlər".
Qeyd edək ki, Mourinyo 2016-cı ildən 2018-ci ilə qədər "Mançester Yunayted"də çalışıb. O, komanda ilə İngiltərə Liqa Kubokunu, FA Kubokunu və Avropa Liqasını qazanıb.
