Idman.biz
"Napoli" "Çelsi"nin hücumameylli yarımmüdafiəçisi Rahim Sterlinqlə maraqlanır.
İdman.Biz jurnalist Canluka Di Martsioya istinadən bildirir ki, "Napoli" bu yay Sterlinqi icarəyə götürmək istəyib, lakin müqavilə baş tutmayıb.
İngilis futbolçu bu mövsüm London klubunda bir oyun belə keçirməyib.
Daha əvvəl İngiltərə Premyer Liqasının iki klubu – "Vest Hem Yunayted" və "Fulhem"in də Sterlinqi transfer etməkdə maraqlı olduğu bildirilirdi. Oyunçunun "Çelsi" ilə hazırkı müqaviləsi 2027-ci ilin yayına qədərdir. Transfermarkt-ın məlumatına görə, onun bazar dəyəri 5 milyon avrodur.
"Napoli" həmçinin "Atalanta"dan yarımmüdafiəçi Daniel Maldini üçün icarə təklifini nəzərdən keçirir. "Yuventus" da İtaliya millisinin üzvü ilə maraqlanır.
