Sport24.az
Bu gün milli komandamız növbəti yoxlama oyununu keçirəcək. Sport24.az xəbər verir ki, Fernandu Santuşun çalışdırdığı kollektiv Masazırda Belarusla üz-üzə gələcək.
Bu, Azərbaycan millisinin 2025-ci ildə ikinci yoxlama görüşü olacaq. Martın 22-də Sumqayıtda Haiti ilə üz-üzə gələn komanda 0:3 hesabı ilə uduzub.
Belarus isə sonuncu yoldaşlıq görüşünü martın 21-də səfərdə Tacikistana qarşı keçirib və 5:0 hesablı qələbə qazanıb.
Qeyd edək ki, millimiz bu günə kimi Belarusla 6 dəfə üz-üzə gəlib. Həmin matçlardan 3-də gülən tərəf biz olmuşuq. 2 görüş heç-heçə başa çatıbsa, 1 qarşılaşmada rəqib sevinib.
Yoxlama oyunu
25 mart
21:45. Azərbaycan - Belarus
Hakimlər: Aleko Aptsiauri, Davit Axvlediani, Davit Qabisonia (Gürcüstan), Tural Qurbanov (Azərbayan)
Masazır. "Bank Respublika Arena".
