Idman.biz
"Arsenal"ın baş məşqçisi Mikel Arteta "topçular"ın bu mövsüm kubok qazanmaq şansları barədə danışıb.
İdman.Biz xəbər verir ki, "Arsenal" 21 oyundan sonra 49 xalla İngiltərə Premyer Liqasına liderlik edir.
"Düşünürəm ki, çox yaxşı impuls qazanırıq və bu inam bu mövsüm 32 oyun ərzində göstərdiyimiz performans və ardıcıllıqdan irəli gəlir. O biri gün "Stemford Bric"də ("Arsenal" "Çelsi"ni 3:2 hesabı ilə məğlub edib - red.) etdiklərimiz buna qadir olduğumuzu görməyə kömək etməlidir. Amma reallıq budur ki, bunu hər oyunda göstərməliyik; hələ görüləsi çox iş var. Amma yenə də dörd yarışda iştirak etdiyimiz üçün şadıq", - Arteta "Arsenal"ın rəsmi saytında bildirib.
London komandası həmçinin Çempionlar Liqasının ümumi cədvəlinə də liderlik edir və Liqa Kubokunun yarımfinalında və İngiltərə Kubokunun dördüncü raundunda yer alır.
"Topçular" sonuncu dəfə 2020-ci ildə mövsümün sonunda kubok qazanmışdılar, o zaman onlar İngiltərə Kubokunu əldə etmişdilər.
