Idman.biz
"Mançester Yunayted" İngiltərə Liqa Kubokunun 1/16 finalında "Brayton"a məğlub olaraq mübarizəni dayandırıb.
İdman.Biz xəbər verir ki, dramatik keçən qarşılaşmanın əvvəlində mankunianlılar 10-cu dəqiqəyə qədər iki qol vuraraq 2:0 hesabı ilə önə keçiblər.
Qollardan birini 19 yaşlı Şi Leysi vurub. Bu, onun "Mançester Yunayted"in əsas komandasında ilk qolu olub. Meyson Maunt da fərqlənib və 2026-cı ildə ilk qolunu vurub.
Fasilədən sonra isə "Brayton" oyunun gedişini dəyişib. Komanda əvvəlcə hesabı bərabərləşdirib, daha sonra üçüncü qolu vuraraq qələbə qazanıb. Beləliklə, "Mançester Yunayted" turniri tərk edib, "Brayton" isə 1/8 finala yüksəlib.
Mərhələnin digər oyununda "Aston Villa" səfərdə "Koventri"ni 3:1 hesabı ilə məğlub edib.
Birmingemlilər 7-ci dəqiqədə Temmi Abrahamın qolu ilə hesabı açıblar. 27-ci dəqiqədə Viktor Torp tarazlığı bərpa edib. Fasiləyə qədər Ross Barkli "Aston Villa"nı yenidən önə keçirib. Abraham isə 59-cu dəqiqədə dubl edərək yekun hesabı müəyyənləşdirib.
Digər qarşılaşmalarda "Everton" "Vulverhempton"u 1:0, "Flitvud" isə "Şeffild Yunayted"i 1:0 hesabı ilə məğlub edib.
Beləliklə, "Brayton", "Aston Villa", "Everton" və "Flitvud" İngiltərə Liqa Kubokunda mübarizəni davam etdirəcəklər.
