Idman.biz
"Barselona" və "Real Madrid"in keçmiş oyunçusu Luiş Fiqu Xabi Alonsonun qovulmasından sonra paytaxt klubuna dəstək olmağa çağırıb.
İdman.Biz xəbər verir ki, Fiqu mövsümün yarısında Alonsonun işdən çıxarılmasına təəccüblənib.
"Bu, rəhbərliyin riskidir və biz onları mövsümün sonuna qədər dəstəkləməliyik. Bu, klubun qərarıdır. Son vaxtlar yayılan bütün şayiələrdən sonra Alonsonun işdən çıxarılması artıq o qədər də təəccüblü deyil... Amma Xabinin işdən çıxarılması gözlənilməz idi, çünki biz mövsümün yalnız yarısını keçirmişik. Bu şəraitdə məşqçi dəyişikliyi gözləməzdiniz. Hətta belə bir turnirdə məğlubiyyətdən sonra olsa belə ("Real Madrid" İspaniya Superkubokunun finalında "Barselona"ya uduzub – red.). Düşünürəm ki, Xabinin çıxarılması həm də buna görə təəccüblüdür.
Prioritet normal həyata qayıtmaqdır. Hər şeydə. Məşqçinin gedişindən sonra hər mənada sabitlik vacibdir. Çünki mövsümün sonuna qədər hələ uzun bir yol var. "Real"ın qazana biləcəyi iki çox vacib turnir var. Amma onlara bütün aspektlərdən yaxşılaşmaq lazımdır" - AS Fiqunun sözlərindən sitat gətirib.
Hazırda "Los Blancos" La Liqa turnir cədvəlində 45 xalla ikinci yerdədir. Onlar lider "Barselona"dan dörd xal geridədirlər.
