Sport24.az
"Turan Tovuz"un baş məşqçisi Kurban Berdıyev Rusiya futbolunda əcnəbi oyunçulara qoyulan məhdudiyyətin tamamilə ləğv edilməsinin tərəfdarı olduğunu bildirib və Azərbaycan çempionatını nümunə göstərib. Sport24.az xəbər verir ki, təcrübəli mütəxəssis bu barədə "Cappuccino & Catenaccio" podkastında qonaq olarkən danışıb:
"Limit olmayanda rəqabət artır. Artıq Azərbaycanda bu addım atılıb. Səviyyə sadəcə inanılmaz dəcədə artıb. İndi liderlər istənilən komanda ilə oyunda xal itirə bilərlər. Komandamızdakılar da daxil olmaqla, azərbaycanlı futbolçular ötən ilə nisbətən indi daha çox səy göstərirlər. Çünki limit olanda başa düşürdülər ki, heyətdə yerləri təmin olunub. İndi isə daha çox səy göstərərək milli komandaya düşüblər. Keçən ilki sistemdə onlar buna nail ola bilməzdilər. Onlar yalnız klublarında oynamaqla kifayətlənirdilər. Rəqabət hər yerdədir. Biznes isə rəqabətlə idarə olunur. Burada da eynidir - hər bir futbolçu böyüyür. Zaman bunu sübut edir".
Qeyd edək ki, Berdıyevin çalışdırdığı "Turan Tovuz" başa çatan mövsümü 3-cü pillədə başa vurub və 32 ildən sonra avrokuboklada oynamaq hüququ qazanıb.
