Sport24.az
"Napoli"nin baş məşqçisi Antonio Konte futbolçusu Xviça Kvaratsxeliyanın gələcəyi haqda danışıb. Sport24.az xəbər verir ki, mütəxəssis İtaliya mətbuatına açıqlamasında deyib:
"Kvaratsxeliya bizə dedi ki, tərk etmək istəyir. Onunla danışdım və təsdiqləyə bilərəm ki, tez bir zamanda klubu tərk etmək istəyir. Mən onu qalmağa inandırmağa çalışdım, lakin o, artıq qərarını verib. Hazırda klub və agenti prosesi həll etmək üçün çalışacaqlar. Əgər Xviça qalmaq istəmirsə, onu saxlamaq istəmirəm".
Qeyd edək ki, daha öncə mətbuatda Xviça Kvaratsxeliyanın PSJ-yə keçəcəyi ilə bağlı xəbərlər yayılmışdı.
Xatırladaq ki, Xviçanın atası Badri Kvaratsxeliya isə Azərbaycan millisinin sabiq üzvüdür.
