İngiltərə Premyer Liqası: "Mançester Yunayted" - "Mançester Siti" derbisi, komandaların heyətləri və turun icmalı - İDMAN.BİZ-in İCMALI

İngiltərə Premyer Liqasında(İPL) futbol üzrə 22-ci turun oyunları şənbə günü, yanvarın 17-də start götürəcək.

İdman.Biz-in məlumatına görə, İPL-də çempionluq uğrunda yarış getdikcə sürətlənir: liderliyi 49 xalla "Arsenal" qoruyur, ən yaxın izləyicilər isə hərəyə 43 xal toplamış "Mançester Siti" və "Aston Villa"dır.

Turnir cədvəlinin yuxarı pillələrində sıxlıq aşağı mövqelərdə də qalmaqdadır. Avrokuboklara vəsiqə uğrunda mübarizəyə "Liverpul" (35), "Brentford" (33), "Nyukasl" (32) və "Mançester Yunayted" (32) də qoşulub.

"Mançester Yunayted" – "Mançester Siti" (17 yanvar)

Turun mərkəzi oyunu "Old Trafford"da keçiriləcək Mançester derbisi olacaq. Burada çempionatın yeddinci və ikinci komandaları üz-üzə gələcək. "Yunayted"in aktivində 32 xal var və komanda avrokuboklara iddialılar qrupunda qalmaqda davam edir. "Siti" isə 43 xalla çempionluq tempi ilə irəliləyir və "Arsenal"ı təqib edir.

Bu qarşılaşma Mançester derbisi çərçivəsində keçiriləcək 198-ci rəsmi oyun olacaq. Statistikaya əsasən, "Yunayted"in aktivində 80 qələbə var, "Siti" 63 dəfə qalib gəlib, qalan görüşlər heç-heçə başa çatıb. Komandalar indiyədək bir-birinə qarşı 278 qol vurublar.

Derbiyə meydan sahibləri ciddi kadr intriqası ilə yaxınlaşırlar. "Mançester Yunayted"in baş məşqçisi Maykl Kerrik oyundan öncə keçirilən mətbuat konfransında Matthays de Liqtin zədə səbəbindən hələ də sıradan kənarda qaldığını təsdiqləyib, lakin klubda müdafiəçinin yaxın vaxtlarda heyətə qayıdacağına ümid edirlər. Bununla yanaşı, "Yunayted"də müsbət xəbərlər də var: Amad və Brayan Mbeumo Afrika Millətlər Kubokundan sonra komandaya qayıdıblar, Harri Maquayr zədədən sonra artıq ilk oyununu keçirib. Ümumilikdə, Kerrikin sözlərinə görə, komanda "yaxşı bir həftə" keçirib və derbiyə işgüzar vəziyyətdə çıxacaq.

"Mançester Siti" isə "Old Trafford"a müdafiə xəttində ciddi problemlərlə yollanır. Klub mənbələrinin məlumatına görə, eyni anda üç mərkəz müdafiəçisi - Yoşko Qvardiol, Con Stouns və Ruben Diaş — zədə səbəbindən oynaya bilməyəcək. Mateo Kovaçiç də hələ ki, sıradan kənardadır. Pep Qvardiola ayrıca qeyd edib ki, Diaş digərlərinə nisbətən daha tez qayıda bilər, Qvardiolla bağlı vəziyyət isə daha mürəkkəbdir. Bundan başqa, "şəhərlilər" kadr boşluqlarını doldurmaq üzərində çalışırlar: Mark Gehi-nin transferi müzakirə olunur, lakin matça qədər keçidin rəsmiləşdirilməsi gözlənilmir. Eyni zamanda, Rodri fasilədən sonra artıq heyətə qayıdıb, Oskar Bobb isə oynamağa hazır deyil.

Derbi ərəfəsində baş məşqçilərin ritorikasında maksimum ehtiyatkarlıq hiss olunur. Qvardiola açıq şəkildə bildirib ki, cari formadan asılı olmayaraq "Yunayted" hər zaman gözlənilməz rəqibdir. Kerrik isə öz növbəsində, komandanın klub ətrafındakı "səs-küyü kənara qoymağa" və yalnız işə fokuslanmağa çalışdığını vurğulayıb.

APL-in 22-ci turunun digər oyunları:

17 yanvar

"Çelsi" – "Brentford"

"Lids" – "Fulhem"

"Liverpul" – "Bernli"

"Sanderlend" – "Kristal Pelas"

"Tottenhem" – "Vest Hem"

"Nottinqem Forest" – "Arsenal"

18 yanvar

"Aston Villa" – "Everton"

"Vulverhempton" – "Nyukasl"

19 yanvar