Idman.biz
"Mançester Siti"nin hücumçusu Erlinq Holand "Real Madrid"ə keçməyi karyerasının ən böyük məqsədi hesab edir.
İdman.Biz-in "Sky Sport Germany"yə istinadən məlumatına görə, "Real Madrid"in prezidenti Florentino Peres 25 yaşlı hücumçunu bu yay əldə etməyi xəyal edir. Peres norveçli oyunçunun agenti ilə əlaqə saxlamağa davam edir.
Mənbənin məlumatına görə, "Real Madrid" Holandın transferində çətinliklərlə üzləşə bilər, çünki birincisi, onun "Mançester Siti" ilə 2034-cü ilə qədər olan uzunmüddətli müqaviləsi var. İkincisi, hücumçunun transferi üçün cinah oyunçusu Vinisius Juniorun ayrılması tələb olunacaq. Üçüncüsü, Halandın transferi "Real Madrid"ə 500 milyon avrodan çox başa gələcək.
Bu mövsüm norveçli bütün yarışlarda 29 oyunda meydana çıxıb, 26 qol vurub və dörd məhsuldar ötürmə edib. Transfermarkt portalındakı məlumata görə, onun bazar dəyəri 200 milyon avrodur.
