Idman.biz
İngiltərənin məşhur "Daily Mail" nəşri futbol transferi xəbərləri ilə tanınan jurnalisti Fabritio Romano ilə bağlı ciddi iddialar səsləndirib.
İdman.Biz mənbəyə istinadən xəbər verir ki, Romanonun klublar və futbol agentləri üçün əlverişli olan məlumatları lazımi yoxlama aparmadan yayımlayır.
Yazıda onun bəzi "insayder" xəbərlərinin təsdiqlənmiş faktlardan çox, müəyyən tərəflərin maraqlarına uyğun formalaşdırılmış versiyalar ola biləcəyi vurğulanır.
Məqalədə Romanonun böyük auditoriyasının klublar, agentlər və digər futbol nümayəndələri üçün məlumat və PR platformasına çevrildiyi bildirilir.
Həmçinin bəzi klub əməkdaşlarının onunla əlaqə saxlamaqdan çəkindikləri və Romanonu ənənəvi jurnalistdən daha çox "influencer" kimi gördükləri iddia edilir.
Nəşr həmçinin Romanonun bəzi transferləri yekun razılaşma əldə edilməmişdən əvvəl "Here We Go" ifadəsi(Razılaşma əldə olundu! - red) ilə təqdim etdiyini və bunun danışıqlara təsir göstərə bildiyini yazıb.
Qeyd edək ki, Romanonun transfer xəbərləri futbol dünyasında böyük auditoriyaya malikdir. Onun sosial şəbəkələrdə paylaşdığı eksklüziv xəbərlər milyonlarla baxış toplayır.
