Idman.biz
"Bilirdik ki, çətin oyun olacaq. Bir az gecikməmiz oldu, 5 həftə məşq edə bildik".
İdman.Biz bildirir ki, bu sözləri "Araz-Naxçıvan"ın baş məşqçisi Cavid Hüseynov Azərbaycan Premyer Liqasının birinci turunda "İmişli" ilə oyundan sonra deyib.
Qarşılaşma 0:0 hesabı ilə qurtarıb.
"Ümumilikdə futbolçuların göstərdiyi mübarizədən razıyıq. Başa düşürük ki, potensialımız daha çoxdur. Məşqlərdə daha yaxşı hazırlaşıb qarşıdakı oyunlarda qələbələr qazanmaq istəyirik.
Bizi qarşıda ağır oyunlar gözləyir. Bu çempionat daha maraqlı olacaq. Bütün rəqiblərə qarşı eyni qaydada hazırlaşacağıq. Çalışacağıq ki, yaxşı nəticələr qazanaq", - Hüseynov əlavə edib.
