Sport24.az
"Brentford" yarımmüdafiəçi Mamadu Sanqarenin transferi ilə bağlı "Lans"la danışıqlara başlayıb. Sport24.az xəbər verir ki, bu barədə "Get Football News France" portalı məlumat yayıb.
"Arılar" keçidi 48 milyon avroya həll etməyə yaxındılar. Lakin "Kristal Pelas" da Sanqarenin transferində maraqlıdır. "Lans"ın sabiq baş məşqçisi Pyer Sajın mövsümlərarası fasilədə "Kristal Pelas"ın "sükanı arxasına" keçməsi Mali millisinin üzvünü fikrindən yayındıra bilər.
Sanqare 2025-ci ilin avqustunda Avstriya "Rapid"indən 8 milyon avroya "Lans"a transfer olunub.
Qeyd edək ki, futbolçu ötən mövsüm bütün turnirlərdə 33 oyunda meydana çıxıb, 3 qol və 4 məhsuldar ötürmə ilə yadda qalıb.
