Idman.biz
"Barselona" 2026/27 mövsümünün startında yüksək məhsuldarlığı ilə diqqət çəkir.
İdman.Biz xəbər verir ki, Kataloniya klubu bütün turnirlərdə keçirdiyi yeddinci matçda 30-cu qolunu vurub.
Yubiley qolu La Liqanın altıncı turunda "Rasinq"lə görüşdə vurulub. "Barselona"nın dördüncü qolunun müəllifi Rafinya olub. Fasiləyə qədər Hans-Diter Flikin komandası 4:1 hesabı ilə öndədir.
Beləliklə, "Barselona"nın cari mövsümdə orta məhsuldarlığı hər oyuna 4 qoldan çoxdur.
Kataloniya klubu Çempionlar Liqasına da uğurlu start verib. Komanda ilk turda "Feyenoord"u 5:1 hesabı ilə darmadağın edib.
"Barselona" "Rasinq" üzərində qələbə qazansa, La Liqada altı turdan sonra mümkün 18 xaldan 18-ni toplamış olacaq.
