Idman.biz
NASCAR Kuboku Seriyasının (Cup Series) pilotu Denni Hemlinin valideynlərinin evində yanğın baş verib.
İdman.Biz WCNC-yə istinadən bildirir ki, yanğın zamanı bir nəfər ölüb, digəri isə həyati təhlükə yaradan xəsarətlər alıb. Mərhumun adı hələ açıqlanmayıb.
Ev yanğın nəticəsində tamamilə sıradan çıxıb. Ərazidə su çatışmazlığı səbəbindən yanğının söndürülməsi təxminən iki saat çəkib.
Rəsmi qurumlar yanğının səbəbi ilə bağlı araşdırmaya başlayıb. Pilot özü hələlik hadisəyə reaksiya verməyib. Hemlinin valideynlərinin vəziyyəti və ya onların yaralılar arasında olub-olmadığı da hələ açıqlanmayıb.
Hemlin 2025-ci il NASCAR Kuboku Seriyası mövsümündə ikinci yeri tutub. Çempionluq titulunu Kayl Larson qazanıb.
