Idman.biz
Məşhur Hollivud aktyoru Maykl Fassbender 22 noyabrda Braziliyada keçiriləcək marafona qatılır.
İdman.Biz xəbər verir ki, "Motorsport Brasil" bu yarışın aktyorun Braziliyada çıxış edəcəyi ilk böyük yürüş olacağını yazıb.
48 yaşlı Fassbender uzun illərdir kino ilə yanaşı avtosportla da məşğuldur. O, 2017-ci ildə "Ferrari Challenge" seriyasında debüt edib, ardınca dörd mövsüm Avropa "Le-Man" seriyasında çıxış edib.
Braziliyadakı yarışda Fassbender sükan arxasında tək olmayacaq. O, "Porsche Cup"ın pilot-konsultant proqramının kuratoru Maks Uilsonla birlikdə eyni ekipajda yarışacaq. İki pilot cümə axşamı məşqlərə, cümə günü isə təsnifata çıxacaq və ardınca seriyanın 20-ci mövsümünü yekunlaşdıran 500 kilometr məsafəli tarixi yarışda start alacaqlar.
Qeyd edək ki, "İnterlagos" Braziliyanın ən məşhur avtosport mərkəzlərindən biri olaraq Formula-1 də daxil olmaqla dünyanın böyük yarışlarına ev sahibliyi edir.
