Lent.az
"Barselona"nın və İspaniya millisinin cinah hücumçusu Lamin Yamalın atası sosial şəbəkədə oğlu kiçik olanda Kataloniya klubunun keçmiş futbolçusu Lionel Messi ilə fotosunu paylaşıb.
Lent.az xarici KİV-ə istinadla xatırladır, Messi 2002-2021-ci illərdə Kataloniya klubunun sistemində olub. Bu müddət ərzində argentinalı hücumçu "Barselona"nın böyüklər komandasının heyətində 778 oyunda iştirak edib, 672 qol vurub və 303 məhsuldar ötürmə edib.
16 yaşlı Yamal 2021-ci ildən "Barselona"nın sistemindədir. Bu müddət ərzində o, "Barselona"nın böyük komandasında 51 oyunda iştirak edib, 7 qol vurub və 10 məhsuldar ötürmə edib. Hazırda hücumçu 2024-cü il Avropa çempionatında İspaniya millisinin heyətində çıxış edir.
İspaniya millisi Almaniyanı məğlub edərək yarımfinala vəsiqə qazanıb.
