Sport24.az
"Mançester Yunayted"in səhmdarların biri olan Ser Cim Retkliff xərclərin azaldılması istiqamətindəki tədbirlərinə görə yenidən tənqid hədəfinə çevrilib. Sport24.az "Daily Mail" qəzetinə istinadən xəbər verir ki, "Mançester Yunayted"in Keçmiş Oyunçular Assosiasiyasına (AFMUP) son anda bildirilib ki, onların illik şam yeməyi əvvəlcədən planlaşdırıldığı kimi "Old Trafford"da keçirilə bilməz.
Tədbir Qari Nevillə məxsus olan "Hotel Football"a köçürülməli olub.
İki il əvvəl Ratkliff, 1985-ci ildən bəri keçmiş oyunçulara dəstək verən AFMUP təşkilatına edilən illik 40 000 funt-sterlinq (təxminən 47 800 avro) məbləğindəki ianəni artıq azaltmışdı. İndi isə klub xeyriyyə təşkilatından təşkil etdiyi şam yeməyinə 200 deyil, 400 qonaq dəvət etməsini tələb edir. Təşkilat isə bu şərti qəbuledilməz sayır.
Qeyd edək ki, "Mançester Yunayted" (10 oyundan sonra 8 xal) hazırda turnir cədvəlində 18-ci pillədə qərarlaşıb.
