İdman.biz
Azərbaycan parabadmintonçusu İbrahim Əliyev Uqandanın paytaxtı Kampalada keçirilən beynəlxalq turnirdə iki gümüş medal qazanıb.
İdman.biz xəbər verir ki, dünya reytinqində 14-cü olan, Avropada isə "Top-5"də qərarlaşan təmsilçimiz fərdi yarışda A qrupunun qalibi olub.
1/4 və yarımfinal görüşlərində də qələbə qazanan İbrahim finalda hindistanlı Jatin Azada 0:2 (14:21,16:21) hesabı ilə uduzub.
Parabadmintonçumuz kişi cütlərin mübarizəsində də qızıl medalın bir addımlığında məğlub olub. Qrupda 2 qələbə qazanaraq yarımfinala yüksələn İbrahim Əliyev və Karan Paneer (Hindistan) cütü Hindistan təmsilçilərinə üç setdə qalib gəlib. Onlar həlledici qarşılaşmada Jatin Azad - Abhijeet Sakhuja (Hindistan) cütünə uduzub – 1:2 (17:21, 21:18, 10:21).
Qeyd edək ki, İbrahim Dünya Badminton Federasiyasının illik təqvimində yer alan "Uganda Para Badminton International" turnirində ardıcıl üçüncü il mükafatçılar sırasında yer alıb. 2022-də fərdidə bürünc, 2023-də fərdidə bürünc, cütdə isə gümüş medal qazanıb.
İdman.biz
