Lent.az
"Formula -1"in əfsanəvi pilotu Mixael Şumaxerin saatları mayın 14-də Cenevrədə Christie's hərracında 4 milyon avrodan bir qədər çox qiymətə satılıb.
Lent.az xarici mediaya istinadən bildirir ki, "Rolex", "FP Journe" və "Audemars Piguet"dən nümunələr də daxil olmaqla cəmi səkkiz saat satılıb və onlar 2013-cü ildə xizək sürərkən ağır kəllə-beyin travması aldığından bəri ictimaiyyətə görünməyən məşhur "Formula-1" sürücüsünün ailəsi tərəfindən hərraca çıxarılıb.
Satılanlar arasında "Ferrari"nin keçmiş rəhbəri Jan Todtun Şumaxere hədiyyə etdiyi, alman üçün mesaj həkk olunmuş saatlar da var. Onların təxminən 2 milyon avroya başa gəldiyi təxmin edilir.
Bu, üzərində Ferrarinin gerbi və Şumaxerin dəbilqəsi olan FP Journe saatıdır.
"Audemars Piguet"dən başqa bir fərdiləşdirilmiş "Royal Oak" saatı əvvəlki 150.000-250.000 avro qiymətindən baha olaraq 425.000 avroya satılıb.
Satılan səkkiz saat Şumaxer ailəsinə məxsus daha böyük kolleksiyanın yalnız bir hissəsidir. Ailənin niyə belə bir addım atmağa qərar verdiyi hələ də aydın deyil.
