Idman.biz
Qadın həndbolçulardan ibarət "Kür" klubunun baş məşqçisi Fuad Yanqildin EHF Avropa Kubokunun üçüncü mərhələsinin ilk oyununda Şimali Makedoniyanın "Çair" komandasına məğlubiyyəti (24:27) şərh edib.
İdman.Biz-ə açıqlamasında mütəxəssis komandanın rəqibin gücünü dərk etdiyini, lakin cavab görüşündə mübarizənin gedişini dəyişmək niyyətində olduğunu bildirib.
"Qızlara təşəkkür etmək istəyirəm: bu gün qələbə üçün əllərindən gələni etdilər, amma təəssüf ki, buna nail ola bilmədilər. Səhvləri təhlil edəcəyik və bazar günü istəyimizə çatacağıq.
Oyun çox gərgin keçdi. Kiminlə qarşılaşacağımızı bilirdik: Balkan məktəbi dünya həndbolunun ən güclülərindən biridir. Buna görə də ciddi hazırlaşmışdıq. Təəssüf ki, kiçik səhvlər üzündən qalib gələ bilmədik. Amma cavab oyununda hər şeyi düzəltməyə çalışacağıq. Qızlara dedim ki, bugünkü nəticə artıq keçmişdə qaldı. Növbəti oyunda qalib gəlmək lazımdır", - deyə o vurğulayıb.
Əlavə edək ki, cavab oyunu da noyabrın 15-də Mingəçevirdəki "Kür" Olimpiya Tədris-İdman Mərkəzində keçiriləcək və saat 17:00-da başlayacaq.
