Lent.az
"Əl Nəsr"in hücumçusu Kriştiano Ronaldo klub səviyyəsində son səkkiz ilin ən məhsuldar mövsümünü keçirir.
Lent.az xarici mediaya istinadən xəbər verir ki, ötən həftə sonu 39 yaşlı portuqaliyalı "Əl-Vahda"ya qarşı het-trik edib (6:0) və klub səviyyəsində mövsümdə qollarının sayını 45-ə çatdırıb.
Bu, Ronaldo üçün 2015/16-ci il mövsümündən bəri ən yaxşı performans göstəricisidir. Portquqaliyalı hücumçu o zaman "Real"da çıxış edib və 48 oyunda 51 qol vurub.
Ronaldo 2023-cü ilin yanvarından "Əl-Nəsr"də çıxış edir. Portuqaliyalı Səudiyyə klubunun heyətində 59 oyun keçirib, 55 qol vurub və 11 məhsuldar ötürmə edib. "Əl-Nəsr"ın heyətində Ronaldo Ərəb Çempionlar Liqasının qalibi olub.
"Əl-Nəsr" Səudiyyə Ərəbistanı çempionatının turnir cədvəlində lider "Əl-Hilal"dan 9 xal geri qalaraq ikinci yerdədir. Ronaldo turnirdə ən çox qazanan oyunçudur. O, 27 oyunda 32 qol vurub, 10 məhsuldar ötürmə edib.
