Lent.az
Dortmund "Borussiya"sının futbolçuları tarixdə üçüncü dəfə Çempionlar Liqasının finalında çıxış edəcək. Almaniya komandası turnirin yarımfinalında PSJ-yə qalib gəlib (1:0, 1:0). Beləliklə, Fransa çempionunun uğursuzluqları davam edib.
Lent.az xarici mediaya istinadla xəbər verir ki, varlı prezident Nasser Al-Xelaifinin rəhbərlik etdiyi PSJ çoxsaylı oyunçulara çoxlu pul xərcləsə də, Avropa səhnəsində demək olar ki, uğur qazana bilməyib.
Üç ən böyük ulduz Kilian Mbappe, Neymar və Lionel Messi üçün cəmi 1,2 milyard dollar xərclənib və PSJ hələ də arzu edilən Avropa çempionu titulunun sahibi deyil.
Mbappe 194 milyon dollarlıq transferlə "Monako"dan gətirilib. "Front Office Sports"un məlumatına görə, nəticədə Mbappe üçün heyrətamiz 574 milyon dollar xərclənib.
Neymar 239 milyon dollar dəyərində inanılmaz transferlə "Barselona"dan gətirilib. Ümumilikdə braziliyalı Paris klubuna 578 milyon dollara başa gəlib.
Messi "Barselona"dan azad agent kimi gəldiyindən bəri PSJ-ni ən az xərcə salıb. Bununla belə, o, ildə 36 milyon dollar dəyərində iki illik müqavilə imzalayıb. Nəticədə argentinalıya 72 milyon dollar xərclənib.
