Report.az
Azərbaycan Taekvondo Federasiyasının (ATF) vitse-prezidentləri Hikmət Səmədov və Niyaməddin Paşayev Gimnaziada İdman Oyunlarına yola düşən milli komandanın üzvləri ilə görüşüblər.
Bu barədə "Report"a ATF-nin mətbuat xidmətindən məlumat verilib.
Yığmanın yarışa hazırlığı ilə maraqlanan ATF rəsmiləri aprelin 4-dən 14-dək Serbiyanın Zlatibor şəhərində keçiriləcək ISF U15 Gimnaziada İdman Oyunlarında taekvondoçulara uğurlar arzulayıb, qələbə qazanacaqlarına ümidvar olduqlarını bildiriblər.
Qeyd edək ki, Azərbaycan sözügedən oyunlarda 18 idman növündə 191 idmançı ilə təmsil olunacaq.
