Lent.az
Ziraat Türkiyə Kubokunun 1/4 final mərhələsində əzəli rəqibi "Qalatasaray"a 2:1 hesabı ilə məğlub olan "Fənərbaxça" turnirlə vidalaşdı.
Lent.az-ın Türkiyə KİV-nə istinadla xəbərinə görə, bu məğlubiyyətdən sonra komandanın azarkeşləri sosial mediada böyük hərəkata başlayıb. Azarkeşlər "Fənərbağça"nın baş məşqçisi Joze Mourinyonun yerinə Sergen Yalçının gıtirilməsini tələb edirlər.
Mourinyonun rəhbərliyi altında son vaxtlar əldə edilən zəif nəticələr və meydandakı gərginlik "Fənərbaxça" azarkeşlərini hərəkətə keçirib. Sosial şəbəkələrdə "Sergen Yalçın" həştəqi ilə minlərlə paylaşım Yalçının "Fənərbağça"nın baş məşqçisi olması ilə bağlı kampaniya yaradıb.
Bu, "Fənərbaxça" rəhbərliyi üçün dönüş nöqtəsi ola bilər. Azarkeşlərin əksəriyyəti Yalçının komandanın başına keçəcəyinə və "Fənərbağça"nı yeni dövrə aparacağına inanır. "Fənərbağça" rəhbərliyinin azarkeşlərin bu tələblərinə necə cavab verəcəyi maraqla gözlənilir.
