Lent.az
İspaniyalı mütəxəssis Xulen Lopeteqi "Vest Hem"in yeni baş məşqçisi olacaq.
Lent.az xarici mediaya istinadən bildirir ki, bu barədə məşhur jurnalist və insayder Fabritsio Romano X sosial şəbəkəsində (keçmiş Twitter) yazıb.
Mənbənin məlumatına görə, Lopeteqi İngiltərə klubunun təklifini qəbul edib, indi tərəflər əməliyyatın son detallarını razılaşdırırlar, bundan sonra London klubu ispaniyalını baş məşqçi vəzifəsinə təyin edəcəyini rəsmən elan edəcək.
Xulen peşəkar karyerasına "Rayo Valyekano"da başlayıb. Daha sonra 54 yaşlı mütəxəssis "Kastilya", İspaniyanın gənclərdən ibarət komandaları, İspaniyanın əsas millisi, "Portu", "Real", "Sevilya" və "Vulverhempton"da məşqçi olub.
Qeyd olunur ki, "Vest Hem" fəal şəkildə Devid Moyesə əvəzləyici axtarır və bir neçə namizədi nəzərdən keçirib. Keçən ay London klubu Lissabonun "Sportinq" klubundan Ruben Amorimlə danışıqlar aparmışdı.
